榮哥煮場 (已結業)

今日同朋友去開旺角行街見行到好攰就搵間餐廳食晚餐最後揀咗呢間中菜館呢度有個＄268二人套餐，有可以四選一個煲+1個小菜仲配前菜同埋兩碗飯添，非常抵食！呢度啲侍應話原本配嘅兩碗飯如果唔想要可以一位加12元轉一碗米線，淮山面，烏冬，煤炭飯都得，或者兩個飯都唔要，可以免費轉一碗淮山面，烏冬，煤炭飯都得都可以，而且落單個時時話少飯都OK嫁，非常之彈性。招牌酸菜魚煲呢度啲酸菜魚煲酸甜味適中，而且有好多魚片食落非常嫩滑，魚味濃郁連d湯都非常之好飲。薑蔥霸王雞雞肉嫩滑多汁一啲都唔似出邊食個d咁鞋口，配埋面頭有啲薑蔥絲，同啲醬汁口感豐富食到停唔到口。甜品今次嘅甜品竟然係楊枝甘露入邊仲有啲一粒粒嘅爆珠，配埋楊枝甘露食口感豐富直頭媲美出邊甜品店出品。呢間餐廳嘅性價比非常之高抵食之餘而且分量充足，下次可以帶埋屋企人再嚟食。