潮福蒸氣石鍋 (已結業)

同一班人黎食海鮮？一定要揀潮福啦！唔係賣廣告啊！未試過一定要試下！佢地咁抵食係有原因既！而家仲有海鮮set，一齊睇下係咩東東啦！可以先揀粥底，再揀海鮮。海鮮的確唔錯，叫左蝦同石蠔等海鮮。最令我驚喜既係石蠔，好似手掌咁大，蒸完之後唔會縮太細！！而且佢地係少量調味，味道特別好食！！！食完海鮮就食飲食既野啦！聽講呢度有得蒸馬拉糕，一定要黎試下啦！！馬拉糕的確好鬆軟，唔錯既選擇！仲有一定要推介既豬肉丸，入面有梅菜，仲係手打，所以都幾彈牙！食完海鮮又食完其他配料，最後一定係要試海鮮精華粥。因為呢個粥底，集合了所有海鮮既精華，當然，如果你食得越多海鮮，粥底越甜！而且非常之棉，好好食！