小魚滋味 (已結業)

今日黎到紅磡食我既最愛下午茶之一，小魚滋味，冇記錯應該得返紅磡呢一間喇！之前無意中入去食過一次，之後就返唔到轉頭，每當有時間一定入黎食返個下午茶！

我份人好專一，食開一個下午茶叫T13，雞扒魚湯米線跟雪糕。點解咁特別？
食湯麵最緊要試真湯底，魚湯味濃厚，一定唔係味精！米線夠林，一啖魚湯一啖米線，好好味，其實有家既感覺！:)
雞扒上面既汁係酸酸甜甜，好開胃呀！而且雞扒又厚，份量又多。
最後再加個雪糕，每次既雪糕都唔同味，keep住每一次既驚喜

價錢合理，位置又近火車站，其實真係好鐘意食而且我知道香港得返一間店，我希望小魚滋味可以陪住我度過每一個下午茶

最愛下午茶之一推介：小魚滋味