Chip In Fish & Chips (已結業)

今日又入咗西貢～好掛住炸oreo呢～～所以一去到就即刻去咗買～記得第一次食嗰時，個心都有諗會唔會好怪～但試完之後真係覺得好好食～炸完唔算太油～不過脆漿厚咗少少～不過唔緊要～最重要都係塊餅～經炸過後變得淋身，軟綿綿既感覺～唔會太甜,好岩我口味～另外重叫咗炸波羅同炸魚薯條炸波羅就真係唔太好食，波羅既水份令脆漿濕咗，而且脆漿同波羅口感同味道match唔到. . .炸魚薯條做得唔錯～魚身夠厚，唔似一般餐廳啲炸魚柳只得薄薄一片魚塊而且炸得好鬆脆～粗身薯條亦炸得好脆，有口感～熱辣辣好好食～我諗下次再去都必定會再食炸oreo呢～