Seoulmate (京都廣場) (已結業)

之前成日喺網上見到好多人食一座黑色火山🌋同一舊白色雲嘅物體☁️，心思思想試好耐，想知佢究竟咩葫蘆賣咩藥，終於上網搵到佢喺邊啦，原來係一間位於銅鑼灣嘅韓式cafe☕。店舖裝修簡單走簡約風，天花吊住一舊舊雲⛅☁️，好得意呀。menu啲食物相都好吸引，樣樣都想試吓，旁邊仲有好多公仔圖案，夠晒cutie😍！今次嚟到當然唔少得點夢寐以求嘅黑色火山同白色雲啦，不過店員話兩個入面嘅料都差不多，所以我哋淨係點咗一個黑色火山🌋。原來個黑色火山係有名堂，叫烏卒卒火山鰻魚櫻花蝦飯🦐。火山上有隻蛋🍳，刺穿隻蛋就好似火山熔岩係咁流落嚟，相當迫真。切開火山，啲煙不斷標出嚟，真係完完全全好似個火山咁喺度噴煙。烏卒卒嘅火山灰其實係蛋白嚟嘅，軟綿綿嘅口感幾得意，入面係鰻魚飯，有好香嘅櫻花蝦，仲有咬不斷嘅芝士🧀，香味十足。另外仲叫咗個味增海鮮意大利粉配炸軟殼蟹🦀，面頭大大隻軟殼蟹，見到都流晒口水，軟殼蟹鬆脆香口，仲有新鮮爽口嘅蝦仁🦐、帶子同埋八爪魚，意粉又彈牙，味增汁配埋就真係perfect 啦。其實仲有好多嘢都想試，不過食完一個飯同一個意粉都已經好飽，唯有下次再試過啦！