金田家 (已結業)

今日收工去將軍澳中心，經過一間日本餐廳，知道係日本正宗拉麵，自己身不由己，離開唔到香港，去唔到日本，但都想食下日本嘅拉麵。打開份菜單，見到有唔少款式嘅拉麵揀，而拉麵亦都可以有唔同嘅硬度選擇，可以揀超硬、硬、普通、或者軟。我揀咗款激辛拉麵。呢款激辛拉麵，最好食嘅，除咗係佢啲叉燒之外，更加重要係佢嘅肉醬，佢啲肉醬唔太鹹，但非常有鮮味，肉香搭上稍微有花生醬味道的湯底，非常濃郁。佢嘅面，硬得來非常有質感，10分推介。我貪心少少，額外追加左一份黑豚叉燒，黑豚叉燒係呢度嘅經典，必試。佢啲肉一啲都唔硬，反而稔得來又有質感，叉燒味亦都非常香。之後嚟咗一份餃子，沙律醬配上餃子嘅肉香感覺一啲都唔油膩，非常好食。最後飲品嗰度，我叫咗杯梅酒，梅酒清甜，梅重從而酒味輕，非常適合女性。