魚事者 (鴻達樓) (已結業)

魚事者以特色魚麵同魚肉小食為主打，繼炮台山分店後係登打士街插旗，試左幾款都好好味而且性價比高，麵控真心推薦🫶🏻🐟🔸 過癮咖喱汁吉列豬扒魚麵撈所有魚麵都可以選半份或全份，全份魚麵同配菜份量都超級多，好抵食！一整塊吉列豬扒炸得金黃香脆，唔怕炸到太乾身。魚麵口感彈牙，魚肉令麵條好有飽腹感，配上咖喱汁又惹味又開胃🤤🔸又香又臭蒜油雞球魚麵撈重口味人士必點，濃烈蒜香加埋魚麵鹹香味出哂黎，加埋青瓜絲味道平衡🥰 配菜亦好高質，大大舊炸雞球肉質嫩滑但仍保持肉汁🔸炸魚無薯條魚肉真係千變萬化，睇落似普通薯條原來係一條條炸魚肉🐟每客配搭一款調味粉，我地揀既蒜辣粉配上熱騰騰魚條，超級香口，必食！！😍🔸「我要晒」小食拼盤，拼盤入面有齊三種唔同魚肉小食：原條炸魚狗腸、原味x芫荽雙拼燒賣、咖喱魚兵團，每一款都有唔同口感，配上辣汁同咖喱汁好惹味店員除咗會係紙袋上面畫公仔之外，仲會幫每一枝樽裝飲品包好紙巾，減少倒汗水整濕食物，抵讚！