譚仔三哥米線 (健威坊)

营业中

休息中

今次試佢新出嘅花膠胡椒雞美線，仲跟左個套餐，加$16有口水雞翼同一杯野飲。估唔到米線入面有大概3舊花膠，仲要幾大塊，都幾煙韌。雞肉比平時嗰啲大舊，好有咬口，啲雞都好滑。湯底叫左糊辣，唔辣但係有啲酸酸地嘅味，好開胃，配合埋米線好夾。口水雞翼同平時差唔多，少少辣，單骨雞翼大概有6支，因為單骨，所以都比較入味，每支都沾滿口水汁，好濃味。另外，杯凍檸茶有啲甜，不過都可以接受。最近佢個外賣杯換左，大杯左。雲耳叫左口水汁，都好入味。