潮州鹵漢大飯店 (已結業)

冬天最啱就係打邊爐啦！但係用滷水湯打邊爐大家又有冇試過呢？😗 潮州鹵漢最近推出咗午市火鍋優惠 — 鹵漢安格斯$158任食封門柳放題，可謂係抗疫價同大家一齊打打氣💪🏻 -餐廳裝修風格非常特別，以中式紅色佈置為主，非常有傳統古色古香嘅感覺，就好似置身古代宮廷入邊打邊爐咁樣。放題套餐包括美國安格斯牛肩胛、手切封門柳、西班牙黑豚肉片、紐西蘭羊肉卷等高質肉類，仲有自助火鍋配料、飲料等任食。湯底亦都有多款選擇，我哋當然揀咗招牌嘅滷水湯底啦～湯底裏面仲有豬紅同滷水豆腐，同滷水湯底超夾呀👍🏻-佢哋啲肉真係質素幾好，全部肉類都好新鮮，當中美國安格斯牛肩胛、手切封門柳同沙茶滑牛肉我哋仲翻叫咗幾次添😋 火鍋配料方面，當然唔少得炸響鈴、蔬菜、寬粉等等啦，種類應有盡有。除咗火鍋配料之外，仲有鹵水鳳爪、炸魚皮等小食，鳳爪煮得好腍好入味非常出色。