汎花餐廳 (已結業)

🤓想食泰國菜，唔使每次都去九龍城嘅！🌴最近長沙灣新開咗一間新派泰式餐廳，價錢相宜，性價比高，一於去試吓😍！😆今次兩個人叫咗冬陰公炸雞翼、炭燒豬頸肉、冬陰功菠蘿灸燒芝士牛肉燉飯、汎花香茅燒雞、芒果乳酪同埋藍蝶花青檸梳打。「🙀嘩，好香呀！ 」冬陰功炸雞翼🐥一上枱，濃濃嘅冬陰功味真係令我食指大動，放入個嘴一咬，外層香脆，內裏Juicy，冬陰功味雞翼真係第一次食，感覺唔錯！🐷炭燒豬頸肉外脆內軟，食落唔會太油膩，食肉獸必點！🐮冬陰功菠蘿灸燒芝士牛肉燉飯呢個真係必試，酸甜菠蘿配上香辣冬陰功，感覺幾特別，加上牛肉鮮嫩多汁，咬落唔韌，嚟到呢度一定要試吓！🍗另外汎花香茅燒雞同樣惹味，雞肉燒得啱啱好，外皮香脆，肉質鮮嫩多汁，食落唔會好鞋，要做到好食嘅燒雞真係好考廚師功夫， 呢個抵讚！🥔薯蓉口感濕潤，平時唔鍾意食薯仔嘅我都忍唔住食咗幾啖！🤩整體呢間新派泰式餐廳性價比高，食物水準幾高，人均消費大約$150左右，仲有其他菜式都好吸引，推薦一大班朋友嚟試吓！