瑞記咖啡

营业中

休息中

由於吸收左上次週末摸門釘嘅經驗，今次同朋友星期四下午再黎！終於一嘗心願！試到佢地嘅特色樽仔凍奶茶！ 名副其實，冇令人失望！入口香滑順喉，茶味同奶味比例啱啱好，又吾會太甜 (朋友飲慣走甜覺得甜左小小) 但我就好覺得好好飲。 而且因為冇加冰塊，飲到最尾都吾會變淡，對平時飲野勁慢嘅我簡直不可抗拒。另外叫左幾樣野食，首先係馳名西多士。本人覺得還可以，煉奶有點過多，食到一半已經覺得太甜太陋。口感方面略嫌外層唔夠香脆，裡面則沾染太多蛋漿和煉奶，吃多幾口便覺得膩口。然後我地仲叫左個火腿腸麵，相當不錯！朋友都爭住要食！首先我地對煎香嘅火腿同腸仔完全零抵抗力！加埋出前一丁麻油味。。真係冇辦法唔滿分，唯一要嫌嘅只可以話湯底鹹左小小。店內雖小，但從當中陳舊的餐牌和牆上掛飾可見已經營數十載，應該係一直深受舊街坊愛戴才能屹立不倒。而且重點是價錢大眾化，食得到濃厚舊香港茶餐廳風味，和舊街坊食客的人情味。