影片
更多
2022-04-10
45 浏览
.📍麻辣風雲📍#饅頭去荃灣 #饅頭食中式菜------------------------------1️⃣酸菜魚 ($268)佢哋湯底加入咗切碎嘅酸菜、海量芝麻同少許辣椒煲制，香氣十足，味道唔會過鹹過油，以花椒香麻為主導，每食一啖配菜都會陣陣麻痺感。配餸種類亦非常之多，除咗魚片同粗薯粉之外，仲有萵筍、芽菜、豆卜、花生、荽茜等，吸入滿滿嘅湯底精華，香口入味又唔會食得好辛苦。桂花魚片數量充足，薄切但唔容易夾散，嫩滑無骨🉐；薯粉夠厚，煙韌滑身，係我鐘意嘅質感。整體都幾滿意，如果湯底酸味比例再多翻少少就更好。◾評分：7.6------------------------------2️⃣川味回鍋肉 ($118)呢碟嘢我唔推薦，首先佢哋回鍋肉嘅肉片數量非常之少，主要都係豆乾椰菜等等；其次成碟餸味道太鹹，而椰菜又非常吸油索味， 頭一兩啖可能會覺得香料味非常之濃郁，但食到後來小編都擔心個腎負荷唔到，係要不斷飲水。◾評分：6.0/10------------------------------3️⃣炸饅頭 ($58)我覺得其他小菜唔試都冇問題，但嚟到呢度一定要嗌佢哋嘅炸饅頭😍。上碟嘅時候會有乾冰釋放一堆二氧化碳
📍麻辣風雲📍#饅頭去荃灣 #饅頭食中式菜
------------------------------
1️⃣酸菜魚 ($268)
佢哋湯底加入咗切碎嘅酸菜、海量芝麻同少許辣椒煲制，香氣十足，味道唔會過鹹過油，以花椒香麻為主導，每食一啖配菜都會陣陣麻痺感。
配餸種類亦非常之多，除咗魚片同粗薯粉之外，仲有萵筍、芽菜、豆卜、花生、荽茜等，吸入滿滿嘅湯底精華，香口入味又唔會食得好辛苦。桂花魚片數量充足，薄切但唔容易夾散，嫩滑無骨🉐；薯粉夠厚，煙韌滑身，係我鐘意嘅質感。整體都幾滿意，如果湯底酸味比例再多翻少少就更好。
◾評分：7.6
------------------------------
2️⃣川味回鍋肉 ($118)
呢碟嘢我唔推薦，首先佢哋回鍋肉嘅肉片數量非常之少，主要都係豆乾椰菜等等；其次成碟餸味道太鹹，而椰菜又非常吸油索味， 頭一兩啖可能會覺得香料味非常之濃郁，但食到後來小編都擔心個腎負荷唔到，係要不斷飲水。
◾評分：6.0/10
------------------------------
3️⃣炸饅頭 ($58)
我覺得其他小菜唔試都冇問題，但嚟到呢度一定要嗌佢哋嘅炸饅頭😍。上碟嘅時候會有乾冰釋放一堆二氧化碳出嚟，好似有船出海咁樣，仙氣飄飄；而炸饅頭嘅皮唔會過於脆硬油膩，內裏口感非常鬆軟，散發住麵粉香甜🍞，配埋煉奶就更加正，愛了愛了。
◾評分：8.3/10
------------------------------
🔸整體評分：7.3/10
🔸小編回頭率：6.5/10
张贴
