🧡大阪城和牛五點盛合（$358）
必點推介，成個大阪城盛盒上枱超正，未食先打個靚卡！
大阪城係由三層組成，分別有和牛五磚、和牛五花同和牛三角，另外仲有牛舌同牛小排係會另外碟上，所有和牛嘅質素都好好，油花十足！建議由碟嘅肉開始再一層一層由上至下食，每一層都會確確實實感受到個肉質、肉汁或者油花嘅升華，讚！
🧡日本和牛殿堂湯漬薄片（$98）
上枱時店員會幫你火炙面頭蓋湯嗰塊大大嘅和牛，輕輕炙燒迫咗個油香出嚟，再浸落昆布湯度，塊和牛又香又嫰，啖啖精華，認真一流！
🧡甲鑼燒拌飯（$68）
混合鵪鶉蛋同蟹膏一齊食，味道香濃，口感勁Rich，送飯絕配！
🧡明太子撈烏冬伴月見（$58）
烏冬夠哂煙韌，沾埋蛋汁入口好滑身，撈埋鹹辣明太子一齊食非常正！
🧡古早冰菠蘿柚子蘇打（$38）
蘇打夠凍又夠氣，食燒肉下火啱哂！唔會太甜，入口好舒服，仲有成大串冰菠蘿浸落去夠哂震撼，串菠蘿最後當飯後果食，清爽又冰涼，正！
🧡龍鳳檸樂（$32）
枝裝可樂勁夠氣，檸樂配燒肉就係無得輸！
