令和鍋物酒場

营业中

休息中

最近去咗尖沙咀厚福街一間日式居酒屋，一入去就感覺到嗰種日式嘅輕鬆氛圍首先，必試嘅就係佢哋嘅堂主壽喜燒！燒完肉再放湯煮配菜，佢哋用嘅A4和牛肩胛肉，肉質好鮮嫩，油花均勻，落少少壽喜燒汁燒再點啲蛋汁，咬落去簡直好似溶化咗咁，之後叫店員幫手加湯煮，落埋新鮮嘅生菜、娃娃菜、蘑菇、金菇、甘筍同洋蔥，湯底香濃，可以DIY 自己煮，絕對係一個暖心嘅選擇。😍再嚟就叫下d 串燒小食，令和玉子燒都唔可以錯過，好厚身又滑，咬落去幾有蛋香😌而萬能蔥豚肉串同柚子鹽黑豚肉串！萬能蔥豚肉串入面包住大量香蔥，鍾意食蔥既朋友必點！而柚子鹽黑豚肉串就有一種好清新嘅口感，兩者搭配得幾match!😋田樂燒茄子同大啡菇都係必叫既，茄子燒得軟身，麵豉肉醬汁味夠濃郁而大啡菇嘅香氣亦好吸引，撈埋啲蛋汁不得了呀🫶🫶黑豚和牛鍋燒烏冬係另一個驚喜，湯底濃厚，麵條Q彈，冬天特別鍾意食d 暖粒粒既而黑松露炒舞茸都係一個驚喜，黑松露嗰種香氣真係令人食到停唔到口😆 櫻花蝦柚子味噌燒飯團，外層有少少飯焦，加上開胃既柚子味噌更有層次😎最後，當然要食埋佢哋嘅甜品燒芝士年糕，芝士味濃郁外脆內軟係一個完美收尾。