鶴崎居酒屋 (已結業)

觀塘一向係美食滙聚既地方，有平民大排檔，亦都有唔少中高價餐廳。朋友公司樓下最近開左間日本菜，咁就同朋友去試下。餐廳位於甲級寫字樓一樓，入面的裝修環境俾人一種和風祭典既感覺，加上有個日本大鼓，好有翻左日本既感覺。蒜燒廣島蠔廣島蠔豐厚肥美，蠔味非常濃郁、配埋蒜香的味道，非常好味。他他魷魚圈魷魚圈炸得金黃色，咬落香脆內裡多汁，炸漿不太厚亦不太薄，同埋份量都唔少。如果他他汁能夠分開上就更好。壽司分別有帶子及甜蝦。帶子鮮甜肉厚，甜蝦鮮味甘香，飯的酸度都控制得好好，非常高質。串燒分別有牛舌、冬菇、雞軟骨及豬頸肉。幾款串燒質素都相當高，豬頸肉入口嫩滑，肉味濃郁，冬菇則最有驚喜，火候控制得恰到好處，咬落好多汁，食完忍唔住再嗌多串。九洲北海丼丼飯性價比好高！百幾蚊的刺身丼，已經有帶子、海膽、三文魚籽、吞拿魚、吞拿魚蓉、松葉蟹腳等等，各款刺身都好高質，非常抵食啊～非常滿意一餐，無論環境、食物質素、職員態度都係一流。