ZECOND

营业中

休息中

之前呢間Zecond係係上環，見佢搬咗過嚟灣仔就過嚟試吓。佢哋主打係食意粉，但其實當佢係一間Cafe更加好。Berry and Orange Salad雜莓柳橙合桃沙律一個有驚喜嘅沙律，沙律汁係混入咗橙汁，所以非常之香甜，生菜、藍莓、橙都好新鮮，仲加入咗核桃就更加好食。Spaghetti Salsiccia e Prosciutto拿坡裡辣肉腸火腿意大利粉一個非常傳統嘅意大利風味意大利粉，喺意大利菜其實會大量用上佢哋嘅香腸嚟到做菜。呢一款其實就係茄汁意粉混入咗拿坡裡辣肉腸，意粉本身唔濃味，但係辣肉腸就非常之濃味，一定要兩者混埋一齊食。做得到傳統意大利嘅風味。Espresso Crème Brûlée 咖啡焦糖布丁依個咖啡布甸就最好食，咖啡味非常之濃，又有日式雞蛋布甸咁杰身，加上佢上面唔係硬身嘅焦糖，真係食多杯都無問題。