影片
更多
2024-01-05
927 浏览
96年开业嘅「富豪酒家」，自2011年起，连续13年获得米芝莲一星殊荣。所以系呢度食鲍鱼就一定有保证。宜家30-35头嘅吉品鲍未计煮都要四五百蚊一只。今日下午过嚟就系食佢$488嘅「阿翁鲍鱼美食套餐」。可以一试阿翁鲍鱼呢个价钱简直系超值。套餐包括一碗是日靓汤、三件点心、荷叶饭、蛋白杏仁茶、甜点两款、仲有主菜35头吉品鲍烩鹅掌。先上一碗白菜鱼唇汤，味道唇厚，应该都系老火鸡汤底，非常出色。之后三件点心楝咗虾饺、烧卖、炸芋角。点心都系保持到高水准，唔系一间普通酒楼可以比较。之后主菜吉品鲍拼鹅掌出场，只碟连鲍鱼相当适合打卡。名贵嘅干鲍经过反覆晒制，味道浓缩，而且肉质发生变化。之后浸发3-4日，再用老鸡、腩排、瑶柱等材料焖焗超过24小时，先至可以制成呢一味千锤百炼嘅广东名菜。鹅掌亦都系用焖鲍鱼嘅鲍汁焖成，鹅掌焖到非常之入味，又够淋。鲍鱼一刀切开，𥚃面溏心软糯。其实鲍汁先系灵魂，火腿咸香味浓，点鲍鱼、菜心都非常好食。之后食埋瑶柱鲜虾荷叶饭就一定够晒饱。呢啲等级嘅粤菜做荷叶饭都非常好食，据闻都系落咗鲍汁，不过冇得正实。之后甜点有马豆糕同合桃酥，再加埋一碗蛋白杏仁茶。呢碗系非常之香滑，而且糖份特别少，
宜家30-35头嘅吉品鲍未计煮都要四五百蚊一只。今日下午过嚟就系食佢$488嘅「阿翁鲍鱼美食套餐」。可以一试阿翁鲍鱼呢个价钱简直系超值。
套餐包括一碗是日靓汤、三件点心、荷叶饭、蛋白杏仁茶、甜点两款、仲有主菜35头吉品鲍烩鹅掌。
先上一碗白菜鱼唇汤，味道唇厚，应该都系老火鸡汤底，非常出色。之后三件点心楝咗虾饺、烧卖、炸芋角。点心都系保持到高水准，唔系一间普通酒楼可以比较。
之后主菜吉品鲍拼鹅掌出场，只碟连鲍鱼相当适合打卡。名贵嘅干鲍经过反覆晒制，味道浓缩，而且肉质发生变化。之后浸发3-4日，再用老鸡、腩排、瑶柱等材料焖焗超过24小时，先至可以制成呢一味千锤百炼嘅广东名菜。鹅掌亦都系用焖鲍鱼嘅鲍汁焖成，鹅掌焖到非常之入味，又够淋。鲍鱼一刀切开，𥚃面溏心软糯。其实鲍汁先系灵魂，火腿咸香味浓，点鲍鱼、菜心都非常好食。
之后食埋瑶柱鲜虾荷叶饭就一定够晒饱。呢啲等级嘅粤菜做荷叶饭都非常好食，据闻都系落咗鲍汁，不过冇得正实。
之后甜点有马豆糕同合桃酥，再加埋一碗蛋白杏仁茶。呢碗系非常之香滑，而且糖份特别少，令到蛋白同埋杏仁味更加出嚟。啱晒食完鲍鱼呢啲浓味菜式之后平衡一下。
埋单之后仲见到翁生一面，其实午市全程佢都坐埋一边帮忙打点，估唔到佢事事咁亲力亲为，食物嘅出品嘅水平一定唔会低。
张贴
