Cecilia Cafe (已結業)

難得平日放半日假，LUNCH TIME約埋媽媽一齊撐枱腳～去咗呢間由同事介紹既中環小店 - Cecilia Café，位於中環聯盛大廈4樓，環境整潔舒適，裝潢簡約清新。提供全日早餐、意粉、三文治等，LUNCH包餐湯同餐飲，價錢相宜，都幾抵食！全日早餐All day breakfast 可以任選四款toppings，亦可加錢再選配更多～好彈性呢！揀咗炒滑蛋、牛油果、阿拉巴馬雞肉、泰式炒牛肉同泰式炒雞，可選配多士/飯/沙律，今日唔太肚餓就揀咗沙律。擺碟好靚！一上枱賣相相當吸引呢～炒滑蛋香甜鬆軟，夠哂滑溜；牛油果質地細膩味道鮮美；阿拉巴馬雞肉加入乳酪，味道清香，凍食非常FRESH～泰式炒牛肉帶點微辣，好開胃；泰式炒雞加入彩椒及野菌同炒，好惹味～蕃茄馬蘇里拉水牛芝士沙律Mozzarella口感濕潤柔軟，充滿乳香，蕃茄片新鮮爽甜，絕對係清新之選！是日餐湯係南瓜湯，口感綿密清爽，香濃又飽足。Earl Grey Tea伯爵茶帶點柑橘香，好清香。Café Latte拉花好靚，富心思！咖啡香醇，層次細膩。