NUTTEA (旺角中心第一座) (已結業)

放假同朋友行旺中，行行吓口渴好想飲嘢，但朋友食齋唔喝得牛奶，佢話有間堅果奶介紹就試吓。舖頭門口見有杯飲品三粒星推介，係台灣奶茶節拎咗金獎就決定試吓，點左伯爵朱古力奶蓋堅果茶，朋友就點左季節限定嘅紫米堅果茶。朱古力奶蓋賣相好吸引，個奶蓋喝落勁creamy，而且唔算好甜，店舖仲提供埋匙羹俾我，非常貼心！試完個奶蓋，再用喝管試吓堅果茶，第一次飲堅果茶，茶味好香濃，茶底有層次，先苦後甘，唔怪之得會拎獎，喝落去比平時嘅茶更易入口，而且冇落奶精更健康，下次有機會都會再喝！杯蓋有教大家喝嘅三部曲，我最鍾意係用匙羹直接飲，奶蓋夠厚，不停食停唔到口。至於朋友個杯紫米堅果茶味道都唔錯，有好多紫米係底，粒粒分明有咬口又飽肚！我見舖頭仲有出面好少有嘅牛油果堅果奶，下次有機會都想試！此外，仲見到有堅果醬賣，感覺都幾特別！