グリル滿天星

营业中

休息中

.次次係海港城行街shopping 經過都好多人係門口排隊，今晚竟然遇上條龍唔長，即興同朋友入去食啦！.好口渴，先叫左飲品朱古力奶昔 $78香滑奶昔用上朱古力口味，仲有忌廉係面，夠邪惡我鍾意！.白汁芝士海鮮焗長通粉 $158我地叫左焗長通粉，大蝦仁、蜆肉、雜菌，拌以香而不膩既忌廉白汁做材料，簡單既焗通粉但做得好出色.食完飯要食甜品，餐廳期間限定靜岡蜜瓜系列，女士都係甜品控既當然要叫啦！.靜岡蜜瓜梳乎厘 $158梳乎厘係必叫食品！要6點後先供應架！用上蘭王蛋黎製作梳乎厘，好鬆軟空氣感十足，蛋味份外香濃加上楓糖漿同濃厚忌廉一齊食，又係一個好既配搭，係我食過梳乎厘中數一數二好食既！