MUTA Restaurant by ATUM (已結業)

有時真係心血來潮想食下西餐，今日行過美麗華商場，呢間感覺俾人相當舒服，就進內品嚐左一頓晚餐👍🏻蟹肉 •海膽奶油義大利麵味道濃郁萬分，蟹肉一絲絲且奶油打得非常滑身，意大利麵口感適中，掛汁力一流。入口奶重味頗重，海膽的甘甘甜甜係口中輕輕迴盪，不過感覺都幾滯肚。👍🏻明太子雞翼七味蛋黃醬雞翼帶少少辛口非常滋味，外皮香脆，內裏包着澎湃嘅明太子醬，確是非常恰當的調味👍🏻壽喜燒牛肉蛋汁燉飯完全係出色之作，米飯煙煙韌韌，牛肉非常濃郁又夠軟柔。壽喜燒嘅醬汁非常香甜，拌上蛋汁，令整個口感嘅濕潤度提高，同樣比較重忌廉嘅關係，口感都較杰身！👍🏻月見雞肉棒串超級肥大嘅雞棒，真係啖啖肉。咬落去更帶點爽爽嘅口感，點上蛋汁令小編鍾情萬分。💡環境相當舒適，裡面更加有榻榻米的飯桌，燈光柔和。