影片
更多
2015-12-16
6321 浏览
今晚玉嬋姐堅持請食飯，經濟一點，大家又喜歡燒烤又唔想去太遠，大尾篤夠方便啦。大埔燒烤以味道及價錢黎講當然首選係麥師傅，但今晚兩口子想環境靜一點、地方開揚一點、坐得舒服一點、有私人空間一點，決定嘉年華啦 ﹗上年劉德華既歌迷聚會都係揀依度乍 ﹗當晚包場，外牆圍晒黑布，守衛深嚴，只可隱約聽到劉德華講野同唱歌。搞到食客們迫晒去其他燒烤場，我就迫左去隔離既汀角灣囉。港式燒烤件食每位 $110 另加開爐費 $50，送 2 包碳及每人 1 罐非酒精飲品，都叫抵食既。贈飲完全無用過，我地全程飲藍妹罐裝，無支裝提供。今晚個場都較為冷清，10 枱都唔夠，夠清靜我鍾意。最嘈係班師拉帶住成團細路囉，討厭 ﹗我地決定坐係韓燒區邊位，遠離班吵耳師拉所佔據既區域，對面就係士多同食物處，好方便呢。攞野食既粗重功夫都係我做架喇，先黎每款兩件，熱下身、hot hot 口先。廚師腸、紅腸、魚蛋、牛丸、貢丸、豬肉丸、墨魚丸、脆皮腸、咖哩雞中翼、黑椒牛扒、黑椒雞扒、有骨蒜香豬扒、蜜味金沙骨、香茅豬頸肉、多春魚。起勁個火就開波喇 ﹗今晚天氣都幾涼，圍住個火暖笠笠好舒服呢。腸仔、雜丸，頭盤都係快熟易做先架啦，但依家個火咁靚，有點浪
上年劉德華既歌迷聚會都係揀依度乍 ﹗當晚包場，外牆圍晒黑布，守衛深嚴，只可隱約聽到劉德華講野同唱歌。搞到食客們迫晒去其他燒烤場，我就迫左去隔離既汀角灣囉。港式燒烤件食每位 $110 另加開爐費 $50，送 2 包碳及每人 1 罐非酒精飲品，都叫抵食既。贈飲完全無用過，我地全程飲藍妹罐裝，無支裝提供。今晚個場都較為冷清，10 枱都唔夠，夠清靜我鍾意。最嘈係班師拉帶住成團細路囉，討厭 ﹗
我地決定坐係韓燒區邊位，遠離班吵耳師拉所佔據既區域，對面就係士多同食物處，好方便呢。攞野食既粗重功夫都係我做架喇，先黎每款兩件，熱下身、hot hot 口先。廚師腸、紅腸、魚蛋、牛丸、貢丸、豬肉丸、墨魚丸、脆皮腸、咖哩雞中翼、黑椒牛扒、黑椒雞扒、有骨蒜香豬扒、蜜味金沙骨、香茅豬頸肉、多春魚。
起勁個火就開波喇 ﹗今晚天氣都幾涼，圍住個火暖笠笠好舒服呢。腸仔、雜丸，頭盤都係快熟易做先架啦，但依家個火咁靚，有點浪費。黑椒雞扒，個火咁猛點可以只係燒腸燒丸呀 ﹗等我即時使出雙叉流先 ﹗上次我比黑椒雞扒滿分，今晚再添食 ﹗簡單既雜丸交比玉嬋姐玩啦，我要集中精神用雙叉流處理好黑椒雞扒及有骨蒜香豬扒呢 ﹗好采今晚個士多妹妹肯比多支叉我乍，上次拒絕我囉。
有骨蒜香豬扒，比多一點愛心、多一點耐性慢慢燒，越燒越香呢 ﹗豬扒跟蒜香味四散，流晒口水喇。蜜味金沙骨，結實無肥膏，骨少肉多，好期待燒出黎會有幾好味呢？經過一輪二叉流熱身後，係使出三叉流既時候喇 ﹗連續技 Knock 低脆皮腸、牛丸、雞扒同豬頸肉先 ﹗必殺三叉流！三千煩惱風！萬千世界！殺呀 ﹗
多春魚，話咁快又到尾聲，都食到差不多飽晒喇。可以回一回氣，用二叉流對負堆多春魚，食埋可以徹退喇。秘技凌空多春魚，唔洗拮穿多春魚個肚，魚春及魚汁可以完整地保存，更鮮甜可口 ﹗
蜜味金沙骨，啖啖肉，質地結實有咬口，濃厚蜜糖及燒烤醬味道，好食 ﹗廚師腸、脆皮腸、紅腸，正常無怪味無腍劈劈無過咸，滿意。魚蛋、牛丸、貢丸、豬肉丸、墨魚丸，都係粉太多囉，免強入得口，但唔想再添食。
有骨蒜香豬扒，好味道又唔肥，每啖都充滿蒜香及肉汁，Good 呀 ﹗咖哩雞中翼、黑椒牛扒、黑椒雞扒都係必食之選，皮香肉嫩又入味，越食越起勁。香茅豬頸肉，口感超級油淋淋，可能要好似串燒咁燒到乾晒，燒到油肪迫走晒先好食，依家都味濃爽口，係太油囉。多春魚，燒得乾爽香脆，魚春鎖住係肚入面，跟魚肉齊齊食，甘香又卜卜脆，魚味特濃，好好食 ﹗
今晚清晒所有食物完全無浪費，玉嬋姐跟我一樣 BBQ 係無需蜜糖架，唔好浪費，我成樽退返比士多妹妹喇。Call 唔到的士，行出門口碰碰運氣啦，居然有的士無人上，Lucky ﹗送埋玉嬋姐返屋企，我就單拖落酒吧飲多兩杯先。
廚師腸、紅腸、魚蛋、牛丸、貢丸、豬肉丸、墨魚丸、脆皮腸、咖哩雞中翼、黑椒牛扒、黑椒雞扒、有骨蒜香豬扒、蜜味金沙骨、香茅豬頸肉、多春魚
144 浏览
0 赞好
0 留言
腸仔、雜丸
57 浏览
0 赞好
0 留言
黑椒雞扒
56 浏览
0 赞好
0 留言
黑椒雞扒
56 浏览
0 赞好
0 留言
有骨蒜香豬扒
52 浏览
0 赞好
0 留言
蜜味金沙骨
40 浏览
0 赞好
0 留言
脆皮腸、牛丸、雞扒、豬頸肉
64 浏览
0 赞好
0 留言
脆皮腸、牛丸、雞扒、豬頸肉
58 浏览
0 赞好
0 留言
多春魚
64 浏览
0 赞好
0 留言
多春魚
63 浏览
0 赞好
0 留言
多春魚
66 浏览
0 赞好
0 留言
多春魚
89 浏览
0 赞好
0 留言
蜜味金沙骨
86 浏览
1 赞好
0 留言
有骨蒜香豬扒
84 浏览
0 赞好
0 留言
魚蛋、牛丸、貢丸、豬肉丸、墨魚丸
113 浏览
0 赞好
0 留言
张贴
