千金火鍋 (已結業)

終於有番晚市堂食啦，第一時間去打個邊爐先啦😋，今次試下呢間新開嘅火鍋店先。 聽職員講呢度出名係椰子雞煲🐔，就試下呢個，佢用咗新鮮椰青同雞湯，味道好清甜，我飲咗兩大碗，啲椰青水鎖住雞肉表面，令雞肉陣陣椰香味，肉質又好鮮嫩。連粟米都吸晒椰子水嘅甜味。 👍黑椒日本和牛餃同招牌韭菜餃餡料好豐富，個皮夠薄，和牛味同韭菜都好香好濃。 手打四寶丸包括有手打和牛丸、鹹蛋黃豬肉丸、蝦丸、墨魚丸，粒粒每日手打，又大粒又彈牙，墨魚丸有粒粒墨魚粒，好有咬口；蝦丸都係用新鮮蝦製成，好爽口；鹹蛋黃豬肉丸有勁大粒鹹蛋黃，好似食緊鹹蛋蒸肉餅咁。 本地手切牛頸脊，牛味適中，油花均勻，非常嫩口軟滑。 皇帝菜好新鮮爽甜，顏色翠綠。 西班牙依比利亞黑毛豬🐷無羶味，豬肉新鮮嫩滑。 自家製竹蔗茅根味道清熱解渴，味道唔會太甜😊👍。