濟州燒肉食堂

营业中

休息中

朋友食生日飯🎂，壽星女話幾年無食過韓燒好想食下，揀咗間近佢公司附近嘅濟州燒肉食堂。 店員先送上前菜，有蕃茄仔🍅、蘿蔔、泡菜、沙律🥗，除咗沙律，其他前菜都可以無限添加，最正係可以無限量添加泡菜蛋同埋芝士🧀。 特選黑毛和牛上貝身肉🐮：肉質非常嫩滑，睇見啲油花已經知一定好好味，油脂入口有溶化嘅感覺，真係好正🤤🤤，唔需要加任何調味料已經好好味。 食堂牛小排 (醬油) ：牛小排肉質都好稔，油脂雖然唔多，但牛味相對濃郁。 豪快濟洲黑毛豬拼盤🐖：朋友因為唔係好食牛，突登叫咗碟豬，有黑毛豬梅肉、護心肉同埋黑毛豬五花肉，特別一提個五花肉呀，黑毛豬肉質柔軟，肉味香濃，五花肉肥瘦適中，超正！ 每日新鮮鰻魚(半份) ：因為鰻魚比較難燒，店員會幫手燒，鰻魚香味濃郁，而鰻魚肉質亦好嫩滑，而微微嘅焦香味加晒分，加埋啲鰻魚汁，味道啱啱好，好滿足呀。 食堂蘋果梨汁雞肉：佢有淡淡嘅蘋果梨汁果香味，雞肉吸收晒啲果香味，而且雞肉亦非常嫩滑。 一盒芝士帶子：帶子都幾大粒，口感軟糯，芝士份量都幾多。 荔枝梳打＆柚子梳打🍹：梳打好大杯，啱晒一邊食韓燒一邊解渴。