Mini Club (已結業)

同friend子嚟過mini club飲嘢幾次，知道佢有新promotion出咗，叫紅/白酒有海鮮拼盤、海膽生蠔、又有德國腸拼盤，啱哂我地送酒，即刻約埋嚟試吓！呢個海鮮拼盤包羅萬有，冇得輸！睡蟹、波士頓龍蝦、鮑魚、翡翠螺、蒜味青口同玫瑰蝦，個人最鐘意隻睡蟹，挖極個蟹身都仲係爆紅羔，冷盤竟然有經烹調過嘅蒜味青口，就知佢有誠意！玫瑰蝦大大隻好厚肉有如牡丹蝦一樣咁鮮甜。其他我冇食，不過friend子食完都話好ok我哋食海鮮真係停不了，既然開咗支白酒，食完海鮮拼盤就唔爭在食多個海膽生蠔豪一豪佢！個賣相真係好吸引，未試過將有海水味嘅蠔夾埋鮮甜嘅海膽一齊食，兩樣都係我至愛，夾雜一齊食嘅味道好新奇。加拿大膽好新鮮，係蠔肉瘦咗啲。再嚟梗係開多支智利紅酒，配個芝士焗粟米片同德國腸拼盤。粟米片即焗上碟裏裏外外都鋪滿芝士，可醺點酸忌廉同莎莎醬，食到停唔到口壓軸出場嘅德國腸拼盤，分別有辣肉腸、慕尼黑腸、salami、香草腸、紐倫堡腸，配以法國蜜糖芥末和茄汁。每款腸都各有特色， friend子最鍾意係辣肉腸同salami，我嫌辣肉腸太辣，我嗰一票就投俾香草腸👍🏻😋一晚吹完水食到咁多好嘢真係好滿足，大家都盡興而回