更多
2018-07-06
887 浏览
同事成日話有間位於葵芳的小菜好好食, 讚到天上有地下無咁, 今日中午約埋七個同事一行八人, 即管去試試係咪真係咁正, 12點30分左右到, 雖然門口暫時無人等位, 但店舖入面已經坐滿八九成人, 入座無耐就已經全場爆滿, 枱與枱之間就比較窄, 中午時段有午市套餐, 但一場黎到就一定係試佢的小菜啦, 同事推介話一定要試胡椒蜆湯, 胡椒味剛剛好, 海鮮味夠, 飲完一碗忍唔住要同事留多碗比我, 招牌黃金蝦香脆彈牙又唔油, 薑葱魚皮好爽又唔腥, 唔多喜歡食魚的我, 都食左3片, 鍾意食肥豬肉的一定要試蝦醬脆腩片, 平時少食蝦醬, 估唔到可以咁match, 其他仲有小炒皇, 魚香茄子煲, 蝦干雜菜煲同鎮店荷葉飯, 總括每樣都值得下次再試, 最後每人order返支樽裝可樂, perfect!
张贴