彩福國宴 (已結業)

同朋友喺附近行緊街，就搵吓有乜嘢美食，一行四人梗係要食返啲小菜醫飽個肚。見到彩福酒樓環境舒適，而且座位位置寬敞，隨即店員就帶咗我哋入去坐一張大圓枱。酒樓以小菜、海鮮同埋套餐為招牌菜，而且多種種類選擇，包括時令小菜、燒味、主食同埋海鮮等。除此之外，酒樓餐牌推出左好多菜式優惠，例如彩福三大優惠、經典名菜同埋精選小菜等，價錢非常抵食。店員隨即幫我地開一壺我最鍾意嘅普洱茶，可以一邊飲一邊揀嘢食。脆皮南乳雞最後我哋選擇咗半隻，因為可以試多啲唔同嘅菜式！半隻嘅份量都幾多，而且多肉少骨，仲有雞髀位置添，食落去外皮有少少脆口之餘，肉質非常新鮮鮮嫩，再點少少配以嘅南乳醬汁，味道更加香濃。黑松露秋葵帶子炒滑蛋炒蛋好滑，黑松露味道好香，兩者非常match，而秋葵同埋帶子好有咬口，配以白飯食更加醒胃。招牌小炒皇小炒皇即叫即炒好有鑊氣，當中嘅韭菜尤其入味，仲見到有炒得好香嘅帶子添。除此之外，例牌燒鵝王同埋北菇紅燒豆腐都非常美味。埋單都係$800左右，四個人食咁多嘅份量，相比價錢合理，而且每一款食物都好味，值得再encore。