一條腸粉 (已結業)

行過旺角就知,周圍都係餐廳,唔會試得晒! 今次同女朋友溫完書,想食D港式野,所以就搵左依間.我地叫左個蓮藕豬手撈飯,蘿蔔牛腩飯,同埋一定要食既腸粉!撈飯會配埋個紫菜蛋花湯,蛋花湯又清又甜，蛋花好細滑，紫菜都好多好豐富。蓮藕豬手撈飯好香噴噴，蓮藕幾淋同入味，豬手多肉、肉質嫩，撈飯一流。好典型既蘿蔔牛腩飯，個牛腩汁好惹味，蘿蔔入味，牛腩都好淋，都係送飯食好味！最後黎依間點會唔試個鎮店之實既腸粉，腸粉可以配好多其他配料，我地就叫左蠔仔，見其仔人會叫蛋，下次試！腸粉真係好好食，比出面既腸粉細滑好多倍，係會有滑入口既感覺，而且有淡淡米既香味，下次應該叫左個！埋單好平，下次應該叫多幾個腸粉！