小南國 (已結業)

懶人想食大閘蟹但又唔知點食，最啱就係食蟹粉菜色，乾手淨腳。一年一度我都會去小南國食蟹粉，今年亦不例外。這一道生拆蟹粉伴鍋巴（$398）上枱時熱辣辣，滿口是甘香的蟹膏跟鮮甜的蟹肉，比例適中，伴以脆卜卜的鍋巴，十分美味。此蟹粉亦可伴以薄餅，但我每次都選擇鍋巴。另外值得一讚的是蟹粉的份量比較慷慨，足夠滿滿覆蓋六塊鍋巴之餘還有少許剩下。我特別喜愛這道菜的原因是因為它是全蟹粉，不像蟹粉豆腐或蟹粉炒蛋白之類，只有一小撮蟹粉。唯上次我吃過的蟹粉炒河蝦仁我是強烈推介的。注意這道菜不是在時令的大閘蟹菜牌，而是在主餐牌內。好處是一年365日都有得食，唔好處是信用卡優惠只限於時令菜牌而主餐牌沒有。另外還點了椒鹽小黃魚（兩條起），炸得十分香口，不會太乾太燶或太咸。推介。上海咸肉菜飯，冇味，少菜，少咸肉。幸好還剩下少許蟹粉拌一拌，味道回來了。不推介。總括來說，小南國價位中等，食物水準不錯，地方乾淨企理，但服務就麻麻。可能人手不足，客人要舉手很久很久才能接觸到待應。