華星冰室 (克街)

新一季優秀開飯熱店大賞投票剛剛開始，為咗想睇吓門外經常企有人龍o既「華星冰室」是否值得細佬o既一票，尋日就專登約咗舊老闆去嗰度食晏，一試招牌「校長多士」 。

3

校長多士（$25）

「華星冰室」屬茶餐廳式經營，並冇加一服務費，午市例牌爆滿，搭枱及人齊先可入座亦算正常之舉，二人好好彩地排到有卡位坐 。樓面清一色全男班，個個外表雖粗野健碩，但效率極高，聽力亦十分好。

餐牌上看似好多選擇，但食客大多都選擇食常餐，無他o既，$38包叉燒湯意粉或通粉一碗、火腿蛋一客、多士兩片、及熱飲一杯，豐富又抵食 ，就連身邊o既阿sir都叫咗份黎食。

2

常餐（$38）：叉燒湯通粉

$38

常餐（$38）：火腿蛋、多士

$38

小肥一心要黎食「校長多士」，所以亦懶理哥哥仔話要等十五分鐘，一於「等」（。。。漸漸會成為好習慣。。。 ）！譚校長就年年廿五歲，「校長多士」就份份廿五蚊，好明顯大家夾過喎  。

2

校長多士（$25）

$25

「校長多士」以黑松露及芝士烘製，果然有內涵。多士厚而鬆軟，面層o既黑松露同芝士芳香濃郁，惹味且唔溜滯，絕對屬必吃之選 ！如果唔係要再等十五分鐘先有得食，恐怕XO仔起碼會食上五、六份先肯走。

2

校長多士（$25）

$25

有「校長多士」助陣o既「華星冰室」，我支持你 ！