撈喜 (已結業)

經過東大街，見到呢間撈喜，屬特別撈麵，貴格麵食，又有原盅燉湯，就試下。叫左豪華餐，可以加28有冰鎖南非鮑，濃郁滷水味，鮑魚好彈同好有口感，凍食更好味道。招牌花膠撈麵，花膠好大片，炆到好淋，一咬落去好好香滑滋潤感覺，骨膠原爆晒出來。麵底用上粗麵，配上鮑魚汁，彈牙之餘吸晒鮑魚汁香租，而且仲有冬菇同西蘭花。揀左海參燉雞，份量好足，湯底好清甜，火候十足，而且好保溫，飲左大半個鐘仲keep住好熱，雞肉加豬肉一啲都唔鞋，成盅湯渣食晒，正。泰式豬頸肉唔同出面餐廳，比較香脆，而且即整，熱辣辣，香噴噴，薄薄一片，入口鬆化。至於時蔬都係加左鮑魚汁，所以唔似坊間蠔油甘咸，好岩小朋友。