影片
更多
2020-11-29
27 浏览
荔枝角D2 Place每個Weekend都有市集，今個Weekend嘅主題係分手，真係好有創意又好新穎，市集啲產品好值得支持，黎到D2 Place除左行市集就係食好西啦，今日搵到呢間西餐廳，見到佢嘅Lunch Menu都好吸引又唔算貴，就入左去試。招牌美國牛肩肉8安士（$138）：餐廳好貼心Set左牛扒係5成熟，如果客人想要熟啲可以再要求，我就食開5成熟嘅所以合晒我心意。牛扒肉質好鮮嫩，亦都好厚，唔會煎到硬晒，牛味亦都好濃。伴碟重有薯條同埋蔬菜，唔會淨係得肉咁滯，平衡下食肉獸嘅罪惡感，呢點要讚！香港飼養無激素西班牙黑毛豬鞍架配芒果莎莎醬（$138）：本地養嘅豬梗係要支持下，煎得好高質，唔會好硬，肉質重好嫩！芒果莎莎醬酸酸地，可以解豬肉嘅油膩感，成道菜都好清新唔會滯！跟餐重有是日餐湯/沙律同埋多士，因為今日係南瓜湯所以就簡左。個湯好濃，重有一絲絲南瓜肉，唔係開粉果嘅流嘢！真係嫌唔夠喉啊！多士焗得好香脆，加埋牛油真係好開胃！飲品可以簡鮮果冰茶，不過天氣開始凍啦，我地都簡左熱飲，熱檸水同埋熱咖啡。一個完美嘅一餐，就梗係要用甜品黎完結啦！焦糖燉蛋（$20）：面頭嘅焦糖加埋燉蛋簡直係Perfec
招牌美國牛肩肉8安士（$138）：餐廳好貼心Set左牛扒係5成熟，如果客人想要熟啲可以再要求，我就食開5成熟嘅所以合晒我心意。牛扒肉質好鮮嫩，亦都好厚，唔會煎到硬晒，牛味亦都好濃。伴碟重有薯條同埋蔬菜，唔會淨係得肉咁滯，平衡下食肉獸嘅罪惡感，呢點要讚！
香港飼養無激素西班牙黑毛豬鞍架配芒果莎莎醬（$138）：本地養嘅豬梗係要支持下，煎得好高質，唔會好硬，肉質重好嫩！芒果莎莎醬酸酸地，可以解豬肉嘅油膩感，成道菜都好清新唔會滯！
跟餐重有是日餐湯/沙律同埋多士，因為今日係南瓜湯所以就簡左。個湯好濃，重有一絲絲南瓜肉，唔係開粉果嘅流嘢！真係嫌唔夠喉啊！多士焗得好香脆，加埋牛油真係好開胃！
飲品可以簡鮮果冰茶，不過天氣開始凍啦，我地都簡左熱飲，熱檸水同埋熱咖啡。
一個完美嘅一餐，就梗係要用甜品黎完結啦！
焦糖燉蛋（$20）：面頭嘅焦糖加埋燉蛋簡直係Perfect！唔會整得好甜，蛋味好濃！
朱古力心太軟（45）：要讚嘅係心太軟係有流心嘅，但唔會勁到流到成個碟都係，一睇就知廚師控制得好好。朱古力味超濃，亦都係唔會好甜，十分正！
食飽飽重可以落市集支持下，價錢都算合理，侍應服務態度好好，今餐真係好滿意！
张贴
