御滿屋日本料理

营业中

休息中

復活節最後一日，去食返餐豐富嘅午餐😋今次兩個人，叫左A餐，個人覺得好夠食！小食方面算好多，中式、日式、韓式，泰式前菜都齊，如果全部食就會好飽，忍唔住樣樣夾啲😆😆刺身方面，有三文魚（好厚切）、油甘魚（有encore!)、希靈魚、赤蝦、甜蝦（必叫！）等等。。。仲有鮑魚！灸燒壽司有左口魚！超正～叫左2次手卷仲有回本位海膽手卷！飲料有好多選擇，除左汽水茶水，仲有梅酒、清酒、全部任飲！岩晒酒鬼上去飲過！另外，甜品方面，有成櫃既甜品個人覺得留返個胃食雪糕！事關有movenpick同Häagen-Dazs 雪糕嘅任食！！！必定係回本位，食多幾杯先走😹😹😹仲有一部雪糕機可以自己玩。熟食方面都keep到水準，服務態度唔錯，以最平價錢黎講，係好好既體驗。有機會會試下食B以上。