翠園 (大埔超級城B區)

营业中

休息中

屋企人有飲早茶習慣，響疫情時，一般都是點外賣響屋企嘆。今日自己心血來潮想食點心，去返之前成日叫外賣點心既翠園，買幾個點心返公司做午餐。翠園既點心一直都有保證，價位同質量都係中上既水平。大埔既翠園一向都係要排隊，排個幾十張飛係好閒事，不過我今日係點外賣，外賣當然係無加一收費，但個盒同袋要收返各＄１，我一直都好想問，可唔可以自擕食物盒，或者自擕用返翠園既外賣盒得唔得？環保又慳錢。外賣既選擇比堂食少D，同埋無左孖寶，唔明點解唔比人外賣叫孖寶。鮮蝦菜苗餃～皮薄，菜苗新鮮，食到１條條菜，我覺得比菜蓉有口感。珍珠雞～糯米雞既迷你版，同樣是以荷葉包著糯米，淡淡荷葉香氣，饀料味道濃郁，肉汁豐富，啖啖滿足。羅白糕～中規中矩，比較普通，唔係好食到蘿蔔。叉燒腸粉～等外賣時，我問需要多長時間，店員說，腸粉無得急，即點即拉，果然，皮薄得來很滑，叉燒唔肥好淋，整體好好味。春卷～火喉控制得宜，皮脆但餡料好普通，之前個火鴨春卷好食好多。