影片
更多
2016-11-21
484 浏览
仲記得上年生日正日一班朋友係心夜來潮同我慶祝食生日飯，當時我第一次接觸潮汕菜，覺得好新穎，其他朋友都係，我地幾個完全係土包子😂今年我地再黎食多次舊夢重溫 (人生第二次食潮汕菜🙈)手打牛丸乃係潮汕名物之一，所以不可不叫。牛丸口感扎實，牛肉原汁甜味奔驣於口中，略有少少牛筋，令牛丸更為彈牙，口感極緻。朋友再三強調食潮州野不可缺少滷水鵝，心夜來潮用左特殊滷汁配方製作而成，同一般豉油滷汁完全唔同口味，鵝肉軟嫩，吸索滷汁香味既鵝肉非常好味。滷水滴下，溫順飄上一股鹹香，除左鵝肉肉質本身既甜，仲有滷汁回甘。菜茶我最愛既潮洲菜之一，用多種蔬菜，冬菇，蝦米，豬肉，花生，魷魚絲，臘腸，脆米而煮成。脆米並冇因為浸係湯汁而變軟，蝦米，冬菇，魷魚絲，臘腸，豬肉精華全部滲透湯中，鹹香惹味，蔬菜清鮮香嫩，混合海味滋味，濕中帶脆，美味可口。小米餃係潮汕街頭代表小食之一。一口可吞般迷你，皮呈半透明，又薄又軟，口感煙韌。肉餡爽口彈牙，肉汁鮮香甘腴，回味留香。豬油渣蒸水蛋深得友人們歡心，水蛋光滑月鏡，鮮嫩細膩，尤如玉子豆腐般香滑。豬油渣脆而不膩，保留油脂香味，淋上一層豉油，水蛋入口即溶，令人難忘。燒手打牛肉餅牛肉味香濃，筋肉
手打牛丸乃係潮汕名物之一，所以不可不叫。牛丸口感扎實，牛肉原汁甜味奔驣於口中，略有少少牛筋，令牛丸更為彈牙，口感極緻。
朋友再三強調食潮州野不可缺少滷水鵝，心夜來潮用左特殊滷汁配方製作而成，同一般豉油滷汁完全唔同口味，鵝肉軟嫩，吸索滷汁香味既鵝肉非常好味。
滷水滴下，溫順飄上一股鹹香，除左鵝肉肉質本身既甜，仲有滷汁回甘。
菜茶我最愛既潮洲菜之一，用多種蔬菜，冬菇，蝦米，豬肉，花生，魷魚絲，臘腸，脆米而煮成。
脆米並冇因為浸係湯汁而變軟，蝦米，冬菇，魷魚絲，臘腸，豬肉精華全部滲透湯中，鹹香惹味，蔬菜清鮮香嫩，混合海味滋味，濕中帶脆，美味可口。
小米餃係潮汕街頭代表小食之一。
一口可吞般迷你，皮呈半透明，又薄又軟，口感煙韌。肉餡爽口彈牙，肉汁鮮香甘腴，回味留香。
豬油渣蒸水蛋深得友人們歡心，水蛋光滑月鏡，鮮嫩細膩，尤如玉子豆腐般香滑。豬油渣脆而不膩，保留油脂香味，淋上一層豉油，水蛋入口即溶，令人難忘。
燒手打牛肉餅牛肉味香濃，筋肉相間有彈性，添加五香粉後燒烤，更具風味。
张贴
