影片
更多
2019-05-13
983 浏览
今晚肥妹仔去咗沙田沙田新城市廣場度做嘢做完嘢已經八點幾喇，行咗一圈，見到有呢一間好出名嘅新派泰國餐廳，於是就捉住肥妹仔同事一齊入去食。有於肥妹仔真係太肚餓嘅關係，我哋係叫咗前菜，主食，甜品同嘢飲，真係超級豐富。越式鮮蝦雞肉米紙卷呢一個米紙卷每一粒都細細，入面就包咗蝦仁同埋雞肉，本身係冇乜味道，只係食食材嘅本身嘅鮮味，點埋附上嘅甜酸汁，好開胃好好食。冬陰功配意大利雲吞其實肥妹仔係未食過意大利雲吞，今次係第一次食。佢呢個意大利雲吞入面淨係包住咗一隻蝦，但係我相信意大利雲吞唔係個主角，而佢本身個冬陰功湯係主角。呢個冬陰功湯係偏酸，微辣，唔食得辣嘅人都可以食。而佢嘅大頭蝦好新鮮，蝦頭有蝦膏，蝦肉爽口彈牙，正。龍蝦炒金邊粉肥妹仔去到邊一間泰國餐廳都一定會叫金邊粉，呢一度嘅金邊粉係升級版豪華版，係原隻龍蝦一齊上。佢嘅金邊粉好好食，炒得好乾身，但係最吸引嘅走過油嘅龍蝦肉，一絲絲非常爽口彈牙。 啖啖蟹肉黃咖哩飯呢一個蟹肉黃咖哩飯又係不得了，通常被妹仔食咖哩蟹肉飯呢係咖哩多個蟹肉，呢一度係 蟹肉多個咖哩 ，真係一啲都唔手軟。 蟹肉好新鮮，鮮味好濃，咖喱係偏重椰奶味，好香好滑。肥妹仔撈埋成碗飯食，超級滿足
今晚肥妹仔去咗沙田沙田新城市廣場度做嘢做完嘢已經八點幾喇，行咗一圈，見到有呢一間好出名嘅新派泰國餐廳，於是就捉住肥妹仔同事一齊入去食。
有於肥妹仔真係太肚餓嘅關係，我哋係叫咗前菜，主食，甜品同嘢飲，真係超級豐富。
越式鮮蝦雞肉米紙卷
呢一個米紙卷每一粒都細細，入面就包咗蝦仁同埋雞肉，本身係冇乜味道，只係食食材嘅本身嘅鮮味，點埋附上嘅甜酸汁，好開胃好好食。
冬陰功配意大利雲吞
其實肥妹仔係未食過意大利雲吞，今次係第一次食。佢呢個意大利雲吞入面淨係包住咗一隻蝦，但係我相信意大利雲吞唔係個主角，而佢本身個冬陰功湯係主角。呢個冬陰功湯係偏酸，微辣，唔食得辣嘅人都可以食。而佢嘅大頭蝦好新鮮，蝦頭有蝦膏，蝦肉爽口彈牙，正。
龍蝦炒金邊粉
肥妹仔去到邊一間泰國餐廳都一定會叫金邊粉，呢一度嘅金邊粉係升級版豪華版，係原隻龍蝦一齊上。佢嘅金邊粉好好食，炒得好乾身，但係最吸引嘅走過油嘅龍蝦肉，一絲絲非常爽口彈牙。
啖啖蟹肉黃咖哩飯
呢一個蟹肉黃咖哩飯又係不得了，通常被妹仔食咖哩蟹肉飯呢係咖哩多個蟹肉，呢一度係 蟹肉多個咖哩 ，真係一啲都唔手軟。 蟹肉好新鮮，鮮味好濃，咖喱係偏重椰奶味，好香好滑。肥妹仔撈埋成碗飯食，超級滿足。
泰式奶茶千層蛋糕
泰國餐廳最出名嘅梗係泰式奶茶喇，但係肥妹仔發覺原來呢度係有泰式奶茶口味嘅千層蛋糕，賣相好靚。千層蛋糕奶茶味都算香濃，而佢嘅醬係偏甜嘅奶泰式奶茶醬，食落去好香， 鍾意泰式奶茶嘅朋友一定要試。
芒果糯米飯
超甜嘅芒果，好香椰奶味嘅糯米飯，煙煙靭靭，就算肥妹仔飽到上心口都成個啪曬佢。
泰式奶茶
茶底好香好濃。
fruity shaky yoghurt
係香蕉溝埋乳酪打成， 酸酸甜甜好解膩。
张贴
