影片
更多
2011-06-13
17 浏览
星期六難得囡囡陪我食早餐，諗住攪啲新意，選擇搭一程港鐵去坑口。曾經過這店，覺得環境唔錯，今次專誠拜訪。約9:30到，餐廳內已坐滿，只得門口一張枱，唯有選擇，唔知點解門口位空氣唔流通，好焗。首先買票，收銀冇人，有職員望到我企喺度，只是望一望，跟住係冇反應嘅，忍唔住叫一聲 "唔該"，有個着住恤衫圓頭嘅四眼先生，木口木面咁企番喺收銀處，真係木到唔識叫早晨嗰隻啦( 阿活嘅阿姐都有活力過佢，麥記嘅妹妹同醒神過佢)。我要咗份英式早餐跟一朾黑啡，囡囡要咗一個 Quiche 同一杯Toffee Latte，"圓頭木先生" 俾咗個5號牌我，話等陣有人送過來，個 Quiche 叮熱咗，好快有人送過來，食下食下都差不食晒，其他嘢都未有，耐心等，等等下發現隔離枱遲過我地嘅都有得食喎。走埋櫃枱問一個女待應，佢問廚房，有個師傅喺個開放式廚房嗌出來話就得喇，我問為什麼咖啡都要咁耐，阿"圓頭木先生"就話杯 Latte 一早做好咗，不過我有出來攞，凍晒咯，佢話佢一般會叫啲客自己埋來攞，但佢有叫我咁做囉，咁點解又會做咗一杯 Latte，杯黑啡又有呢﹖後來佢做過另一杯 Latte，嘩！根本拉唔到花，一 pat 嘢咁，咁肉酸
約9:30到，餐廳內已坐滿，只得門口一張枱，唯有選擇，唔知點解門口位空氣唔流通，好焗。
首先買票，收銀冇人，有職員望到我企喺度，只是望一望，跟住係冇反應嘅，忍唔住叫一聲 "唔該"，有個着住恤衫圓頭嘅四眼先生，木口木面咁企番喺收銀處，真係木到唔識叫早晨嗰隻啦( 阿活嘅阿姐都有活力過佢，麥記嘅妹妹同醒神過佢)。
我要咗份英式早餐跟一朾黑啡，囡囡要咗一個 Quiche 同一杯Toffee Latte，"圓頭木先生" 俾咗個5號牌我，話等陣有人送過來，個 Quiche 叮熱咗，好快有人送過來，食下食下都差不食晒，其他嘢都未有，耐心等，等等下發現隔離枱遲過我地嘅都有得食喎。
走埋櫃枱問一個女待應，佢問廚房，有個師傅喺個開放式廚房嗌出來話就得喇，我問為什麼咖啡都要咁耐，阿"圓頭木先生"就話杯 Latte 一早做好咗，不過我有出來攞，凍晒咯，佢話佢一般會叫啲客自己埋來攞，但佢有叫我咁做囉，咁點解又會做咗一杯 Latte，杯黑啡又有呢﹖後來佢做過另一杯 Latte，嘩！根本拉唔到花，一 pat 嘢咁，咁肉酸都可俾客嘅，可能俾我嚇親(最衰係冇影相，已經冇晒 Mood 啦)。
份早餐好一舨，我喺屋企都整到。我一早知道美心飲食集團係有服務提供嘅，以前屋企樓下有間美心快餐，有服務之餘，我仲見過樓面同廚房當住客人面嗌交，廚方掟菜，樓面掟碗。
唉！以後都咪駛旨意再幫襯，寧願下次去遠啲嘅西貢。
张贴