雲南味味小食

营业中

休息中

最近工作壓力很大，心情不太好，突然好想食酸菜肉米線，就放工到屋企附近呢間起碼有十幾年既食舖入到去已經有4、5個人食緊，求其搵個位坐低睇餐牌猶豫不決左好耐，又想食腩肉又想食酸菜肉，又想叫多個小食，但又驚食唔哂！最後.....都係維持原本想食的酸菜肉！$32都幾大碗個湯底好好味，豬肉碎配酸菜好開胃，又唔會太咸！又唔會太肥膩我試過係屋企整但整唔出，唯有俾錢回味！後來個好閨蜜知我唔開心，收工飛奔黎陪我，好開心佢好細食，叫左碗細！其實中 vs 細，個份量都好足夠，只係個人心情問題想食多d，平時我好細食架！呢個係小食黑三剁豆腐$20，個汁酸酸辣辣，我覺得係醋黎，好鬼正！皮蛋同豆腐又唔「鞋」口，推薦推薦其實我都幾喜歡食呢間腩肉，好入味！下次要再食價錢同食譚x，咩哥都差不多，勝在食呢間飲個湯底唔洗叫野飲！😂😂😂環境有點窄，但好食的小店是要支持的！一路等食一路讀住「莫生氣」，自己一個放鬆下都不失為一個好地方。