影片
更多
2019-08-29
45 浏览
同BOSS在灣仔開完會, 可能佢心情大好, 竟然話帶我去試新菜. 佢帶左我去The Hennessy 既一間餐廳, 一入門口就見到張bar枱喇, 心諗原來BOSS帶我食日本野. 坐低之後睇睇Menu, 唉? 又好像唔係”只係”日本菜WOO, 原來係fusion 菜黎架, 當然點菜既重任就緊係要交俾BOSS啦! 點完菜冇幾耐, 師傅即時呈上櫻花茶同飲品，餐廳好有心思，仲可以俾我地揀鐘意既杯左手邊既係櫻花茶，開始時比較淡味，要放耐啲先開始有淡淡既櫻花香味餐前酒有蘋果酒，酒內加左啲sake，甜甜地酸酸地，幾開胃！牛油果他他他他就食過唔少, 但用牛油果裝住既係第一次牛油果內裝住好多刺身, 帶wasabi 味道，帶點辛辣，可以刺激一下味雷！煙燻蛋配煙鴨胸上菜時，師父先用透明蓋蓋住，一打開一陣香濃既煙燻味滲出 賣相真係好靚，以鳥巢為題，色香味具全煙燻蛋味道香濃，半生熟，整得好滑牛骨湯之後到牛骨湯，竟然會以咖啡壺現身？！真係估你唔到！店員開火後，湯慢慢滾，滾後湯會沖上去上面既木魚乾，吸收木魚花既香味個湯真係濃得不得了，充滿左濃濃既牛骨味、木魚味，十分驚喜！報紙雞卷又係另一道特別菜，賣相好得意用蔥包住
佢帶左我去The Hennessy 既一間餐廳, 一入門口就見到張bar枱喇, 心諗原來BOSS帶我食日本野.
坐低之後睇睇Menu, 唉? 又好像唔係”只係”日本菜WOO, 原來係fusion 菜黎架, 當然點菜既重任就緊係要交俾BOSS啦!
點完菜冇幾耐, 師傅即時呈上櫻花茶同飲品，餐廳好有心思，仲可以俾我地揀鐘意既杯
左手邊既係櫻花茶，開始時比較淡味，要放耐啲先開始有淡淡既櫻花香味
餐前酒有蘋果酒，酒內加左啲sake，甜甜地酸酸地，幾開胃！
牛油果他他
他他就食過唔少, 但用牛油果裝住既係第一次
牛油果內裝住好多刺身, 帶wasabi 味道，帶點辛辣，可以刺激一下味雷！
煙燻蛋配煙鴨胸
上菜時，師父先用透明蓋蓋住，一打開一陣香濃既
煙燻味滲出
賣相真係好靚，以鳥巢為題，色香味具全
煙燻蛋味道香濃，半生熟，整得好滑
牛骨湯
之後到牛骨湯，竟然會以咖啡壺現身？！真係估你唔到！
店員開火後，湯慢慢滾，滾後湯會沖上去上面既木魚乾，吸收木魚花既香味
個湯真係濃得不得了，充滿左濃濃既牛骨味、木魚味，十分驚喜！
報紙雞卷
又係另一道特別菜，賣相好得意
用蔥包住用米紙印成日本報紙，再包住雞卷
食落有少少甜味，雞卷好嫩滑，整個配合得唔錯
天婦羅
包括有原味、黑松露、米通、蛋黃味天婦羅
天婦羅炸得香脆，皮薄，當中黑松露及蛋黃天婦羅最為深刻，味道很濃！
伴碟的是梅味麵線，師父把麵線炸成金黃，味帶梅味，口感幾得意！
米紙丹蝦 / 火炙三文魚
終於到刺身喇！
左邊有火炙三文魚，上面配上麻醬，味道好夾！
右邊係牡丹蝦，以米紙包住，雖然米紙係冇味，但都可以發揮到牡丹蝦既鮮味！
焦糖多士
最後甜品一定不少得！今日有焦糖多士配抹茶雪榚！
個焦糖多士整得非常之脆，甜度剛好，配上抹茶雪榚剛剛好！
哈哈，老闆請食飯當然開心啦，如果老闆日日心情都咁好就好喇！
张贴
