MOS Burger (荃新天地一期) (已結業)

仲記得開業時排隊都要0.5hr-1hr,琴日下周經過見到荃新天地無人,咪入去食個黑醋雞扒飽套餐!人少少,好好坐!個飽即整,所以塊雞仲脆,配埋黑醋,酸酸地好開胃,好好味!今日心思思,又去左買外賣返屋企食,食左摩斯芝士漢堡配加大薯條轉橙汁$4x,下午茶餐脆香雞堡飽+可樂$18,薑汁豚肉rice burger$20,雖然拎到番屋企比堂食凍左,但個摩斯芝士漢堡勁多醬,好好味!個薯條又唔會話成條淋哂!睇到張海報好似全日制學生會有9折,下次帶埋個仔仔去食享受埋個折頭先!