HappyHun by Dandelion (已結業)

有朋友生日所以買咗呢間蛋糕試吓，因為見啲款式都幾吸引。買咗二至三人份量嘅拿玻倫，其實飯後食四個人都夠。

個蛋糕個樣好靚，拎出嚟朋友個個都話靚，因為上面有食用花做裝飾，逐朵放係吉士擠花上面，睇得出好有心機整。而且拿玻倫係心形，由三層酥餅夾住吉士醬組成，好適合送畀女仔！

我哋切蛋糕時已經覺得個蛋糕會好食，因為酥餅好乾身好脆，唔會一切就散。酥餅表面金黃色，厚度岩岩好，食落有啲似蝴蝶酥，夾係的吉士醬亦非常軟滑，甜度適中，夾埋一齊食好好味！

至於上面嘅食用花，其實就冇咩味，不過拿玻倫本身已經做得唔錯，值得買嚟做生日蛋糕👍🏻