影片
更多
2019-06-10
87 浏览
之前去完日本，食完當地嘅廚師發板壽司，返到香港就好掛住，所以就喺香港搵咗間壽司店食廚師發板。於是就揀咗呢一間網上面評分幾高嘅靖壽司，睇下佢咩料。於是我地點左$270一位嘅廚師九貫。前菜有燒魚乾，沙律，涼拌帶子裙邊。入正題了，第一set嘅壽司游咗自由係帶子，平整魚(應該係咁讀，除非唔係)味道口感好似池魚王，同埋左口魚口感好軟滑同油脂好多。之後就係海膽軍艦，中拖羅，同埋池魚王。海膽非常之新鮮，中拖羅新鮮肥美，池魚王係一般嘅彈牙同埋魚味鮮甜。之後就係赤身，銀鱈魚，燒比目魚。赤身非常濃郁嘅吞拿魚味。銀雪魚壽司就好少食但係真係好好味，因為肉質非常嫩滑入口即溶油分好高，而且上面有啲醬油喺度已經唔使調味，呢舊好食到吾識形容。燒比目魚燒到啲油脂味出晒嚟，肉質好似銀鱈魚，但係就冇銀鱈魚咁滑。驚你唔夠飽，就有一個細嘅吞拿魚茸飯，本人一向都唔係好鍾意食呢一種飯，但係佢調味個嘅吞拿魚茸就非常之好味，飯嘅溫度亦都控制得好好， 加埋黃蘿蔔一齊食非常之配合。跟住到個湯同茶碗蒸，茶碗蒸好滑而且裏面嘅材料好豐富好多蟹肉仲有銀杏同冬菇。到到最尾有一個好好食嘅曲奇雪糕俾你添。總結成餐飯真係非常之有heart。雖然睇落個壽司
之前去完日本，食完當地嘅廚師發板壽司，返到香港就好掛住，所以就喺香港搵咗間壽司店食廚師發板。於是就揀咗呢一間網上面評分幾高嘅靖壽司，睇下佢咩料。
於是我地點左$270一位嘅廚師九貫。
前菜有燒魚乾，沙律，涼拌帶子裙邊。
入正題了，第一set嘅壽司游咗自由係帶子，平整魚(應該係咁讀，除非唔係)味道口感好似池魚王，同埋左口魚口感好軟滑同油脂好多。
之後就係海膽軍艦，中拖羅，同埋池魚王。海膽非常之新鮮，中拖羅新鮮肥美，池魚王係一般嘅彈牙同埋魚味鮮甜。
之後就係赤身，銀鱈魚，燒比目魚。赤身非常濃郁嘅吞拿魚味。銀雪魚壽司就好少食但係真係好好味，因為肉質非常嫩滑入口即溶油分好高，而且上面有啲醬油喺度已經唔使調味，呢舊好食到吾識形容。燒比目魚燒到啲油脂味出晒嚟，肉質好似銀鱈魚，但係就冇銀鱈魚咁滑。
驚你唔夠飽，就有一個細嘅吞拿魚茸飯，本人一向都唔係好鍾意食呢一種飯，但係佢調味個嘅吞拿魚茸就非常之好味，飯嘅溫度亦都控制得好好， 加埋黃蘿蔔一齊食非常之配合。
跟住到個湯同茶碗蒸，茶碗蒸好滑而且裏面嘅材料好豐富好多蟹肉仲有銀杏同冬菇。
到到最尾有一個好好食嘅曲奇雪糕俾你添。
總結成餐飯真係非常之有heart。雖然睇落個壽司嘅樣好簡單好普通，但係你可以食得出佢飯嘅溫度，握壽司嘅功夫，同埋上面嘅醬油調味都恰到好處，首先唔會過冷或者過熱， 食落好舒服，同埋醬油味道唔會太過火，就係日本餐廳就算係呢一個價錢都未必食到呢一種嘅質素，而香港有啲餐廳做廚師發板可能賣相方面真係落咗啲功夫，但係整出嚟真係冇乜心， 求其將啲料加埋一齊就算，同埋材料冇咁新鮮，但係呢一間真係食得出有心嘅壽司。
张贴
