影片
更多
2018-06-28
832 浏览
話就話唔係放題控，不過最近都食左幾次，是日收工近近地行過黎創興食飯，揀選呢間日悅極尚日式放題，實情大半年前尖沙咀最初開嘅時候，試過一次，覺得可以，又見旺角有新分店，先至回訪。有別於尖沙咀店，感覺環境冇咁大，裝潢佈局同一般日式放題店差不多。而比較特別係，原來同一個空間，有三味放題：燒肉、火鍋、日式放題，幾搞鬼。將整店分為三個區域，唔會打亂坐，起碼冇咁大陣煙味，放題呢邊多數係卡位、梳化位，坐得舒適星期一至四5:30-6:30pm前定價$198/位，期後加三十蚊位，晚市食足2hr30min。喺旺角區放題黎講，都係差唔多呢個價位，9點後收$188位添。旺角店一樣有自取區，冷盤、水果、飲品等，都算幾多選擇。冷盤有有凍蝦、翡翠螺、青口、海哲、八爪魚、沙律、泡菜等。喺等緊食物之際，都可以拎啲野食住先飲品選擇多，一般罐裝道地、可口可樂、汽水、烏龍茶、韓式飲料等；飲品機有清酒、梅酒自取，生啤任飲。湯品有大根牛骨湯，試左牛骨湯，男朋友唔舒服想暖暖胃，味道濃都算足料，略嫌偏鹹一點。刺身有三文魚、北海道帶子、榮螺、松葉蟹腳、赤蝦、吞拿魚、油甘魚、北寄貝、馬刀貝、劍魚腩、希靈魚，甜蝦。我地每樣點少少，整體都可以
星期一至四5:30-6:30pm前定價$198/位，期後加三十蚊位，晚市食足2hr30min。喺旺角區放題黎講，都係差唔多呢個價位，9點後收$188位添。
旺角店一樣有自取區，冷盤、水果、飲品等，都算幾多選擇。冷盤有有凍蝦、翡翠螺、青口、海哲、八爪魚、沙律、泡菜等。喺等緊食物之際，都可以拎啲野食住先
飲品選擇多，一般罐裝道地、可口可樂、汽水、烏龍茶、韓式飲料等；飲品機有清酒、梅酒自取，生啤任飲。
湯品有大根牛骨湯，試左牛骨湯，男朋友唔舒服想暖暖胃，味道濃都算足料，略嫌偏鹹一點。
刺身有三文魚、北海道帶子、榮螺、松葉蟹腳、赤蝦、吞拿魚、油甘魚、北寄貝、馬刀貝、劍魚腩、希靈魚，甜蝦。我地每樣點少少，整體都可以，上枱仲有乾冰煙霧效果，幾有霸氣。三文魚厚切大片，幾肥美；帶子比較細粒，但都夠新鮮；個人認為甜蝦比赤蝦好食啲。松葉蟹腳都可以，幾好肉地
壽司、軍艦都點左少量，舊飯唔會太大舊，質素中規中矩。
熟食選擇唔算好多，都係一般放題有嘅野，我地點左啲炸物，例如天婦羅蝦、蟹棒天婦羅、吉列蝦、吉列炸蠔都係即炸，夠香脆，合格。
芝麻雞翼有點失望，一唔夠香脆，二比較油膩，食過其他放題店做得更出色。
芝士年糕皮厚，裡面嘅芝士唔夠多，口感欠軟糯。
一品料理揀左幾樣試下，因為我地四個已經食到好飽，戰鬥力唔夠辣酒煮蜆用沙白，乾淨冇沙，加啲辣椒絲，酒味一般，不過我係蜆控，都係想食蜆而已，味道唔重要。和牛薄燒、蒜片牛柳粒都唔錯，唔會過老，或者鞋口
帆立貝北海鮮原隻上，加左好多沙律醬，食落酸酸地，開胃。至於燒香草羊鞍係朋友點左一件試試，不過佢話一般般。
燒物方面有鹽燒海蝦、鹽燒牛舌都係好食，唔會太老；雞軟骨雖然脆，亦唔油，但完全冇調味，比較單調。
甜品有雀巢雪糕任食，四款口味：紅豆、芝麻、芒果、朱古力。仲有記得唔好漏，其實每人仲有一杯movenpick/haagendazs雪糕一杯。
餐廳環境都可以，服務方面仍需改善，可能晚市客人較多，店員見黎見去幾個，唔會好頻繁有人收拾碗碟，但態度係有禮。
上菜速度合格，按放題次序，下單十分鐘左右，先上刺身，再上熟食；份量跟足，未見漏單
张贴
