德美壽司 (新都城中心1期) (已結業)

今日黎到寶林搵食， 呢間日本野次次經過都好多人，今日終於要排隊試吓！好彩等左一陣間就有位。店內樓底高，雖然人多，但係冇壓迫咁，舒服！先黎個野菜牛肉鍋，湯底醬油味濃。牛肉唔靭。醬油滲入野菜中，令野菜充滿醬油味。另外加左份烏冬！烏冬放入湯入面滲入醬油比較好食。再叫左個蟹肉忌廉薯餅，呢個有點腻。食唔到蟹肉。有點失色。之後再黎銀雪魚定食。汁燒雪魚香脆多汁，正！定食既麵豉湯，有點淡。最後送上抹茶Mochi ,抹茶味濃好煙靭，入面涼涼的。唔太甜。抹茶控的我，大愛。