德國餐廳 (Mikiki)

营业中

休息中

新蒲崗mikiki商場地下有一列餐廳包含咗各國美食，今次就揀咗德國菜das bier！戶外嘅小燈飾頗有格調，餐廳有露天座位，照顧到吸煙嘅顧客，不過好氣氛只限於好天氣，寒冬炎夏落雨天就比較麻煩喇。餐廳裝修簡單雅致，牆上有一大幅德國地圖，可以邊食德國菜，邊了解德國地理同城市分佈。食德國菜就緊係要食豬手，我哋揀咗比較特別嘅鹹蛋黃豬手。豬手皮脆肉嫩，配上酸菜同薯仔，份量足夠兩至三個人，加埋鹹蛋黃醬，呢個中西結合嘅配搭創新得嚟又幾夾。Carbonara嘅濃稠醬汁掛上每條意粉，加上火腿，好味。每枱都有個酒桶，不過我哋酒量一般，都係每人一杯算喇，如果一班人食飯，相信叫一桶咁飲會幾好氣氛。