影片
更多
2017-12-14
185 浏览
The Americano 荔枝角億利工業大廈1樓本來想去對面食墨西哥菜但冇位，咁就過對面求其搵間坐低，點知就中伏啦！😡😡😡😡😡😡😡😡😡😡先不談食物坐低後唔叫都唔攞水嚟，落左order 35分鐘都未能上菜，連前菜嘅湯及沙律呢D預製好嘅嘢都係不停咁吹左20分鐘先有，而我只係叫左兩個set lunch，咖哩雞飯及德州漢堡，又係大部分已預製嘅嘢。再講食物，前菜真係精彩，前菜嬲到相都唔記得影，沙律菜有幾塊黃葉👍😡😡😡，湯只係微暖接近凍，攪咁耐出D咁嘅嘢都知道已經係伏，千呼萬喚始出來等左超過35分鐘嘅主菜⋯⋯德州漢堡，收128元，質素還不如TRIPLE O，只係正常質素，絕對不值$128仲未計加1！咖哩雞飯就精彩啦，收108元，水汪汪嘅汁仲要係雪藏雞扒，辣嘅都食到有雪味，D飯又濕又爛⋯⋯😡😡😡，衰過大快活，真係廿蚊都比多佢😡😡😡真係垃圾到一個點！員工態度極散漫，追食物仲要黑口黑面串串貢，絕對冇下次，仲要加1，想受氣嘅可以即管去試下😡😡😡最後埋單連加1承惠$260，未夠1點坐低叫嘢食，最後接近1:40分先上齊嘢，再用10分鐘光速食完，最後太太要搭的士趕及2點前回公司⋯⋯😡😡😡
荔枝角億利工業大廈1樓
本來想去對面食墨西哥菜但冇位，咁就過對面求其搵間坐低，點知就中伏啦！
😡😡😡😡😡😡😡😡😡😡
先不談食物
坐低後唔叫都唔攞水嚟，落左order 35分鐘都未能上菜，連前菜嘅湯及沙律呢D預製好嘅嘢都係不停咁吹左20分鐘先有，而我只係叫左兩個set lunch，咖哩雞飯及德州漢堡，又係大部分已預製嘅嘢。
再講食物，前菜真係精彩，前菜嬲到相都唔記得影，沙律菜有幾塊黃葉👍😡😡😡，湯只係微暖接近凍，攪咁耐出D咁嘅嘢都知道已經係伏，千呼萬喚始出來等左超過35分鐘嘅主菜⋯⋯
德州漢堡，收128元，質素還不如TRIPLE O，只係正常質素，絕對不值$128仲未計加1！
咖哩雞飯就精彩啦，收108元，水汪汪嘅汁仲要係雪藏雞扒，辣嘅都食到有雪味，D飯又濕又爛⋯⋯😡😡😡，衰過大快活，真係廿蚊都比多佢😡😡😡
真係垃圾到一個點！
員工態度極散漫，追食物仲要黑口黑面串串貢，絕對冇下次，仲要加1，想受氣嘅可以即管去試下😡😡😡
最後埋單連加1承惠$260，未夠1點坐低叫嘢食，最後接近1:40分先上齊嘢，再用10分鐘光速食完，最後太太要搭的士趕及2點前回公司⋯⋯😡😡😡
$260
25 浏览
0 赞好
0 留言
张贴
