Texas Burger

营业中

休息中

朗豪坊有好多唔同种类嘅餐厅，有平有贵，平嘅就食food court, 贵嘅就上去高层嘅餐厅。但呢间位于差不多顶楼嘅餐厅价钱并唔贵，而且座位亦好舒适，在商场嘅天幕下食住汉堡，真系好叹。我地一行人坐向一个开放式嘅卡位，点左一个招牌德州牛肉汉堡，一个墨西哥鸡肉菠萝汉堡，2件墨西哥烤饼，一份墨西哥沙律。墨西哥沙律酱汁唔多，但本身沙律菜好甜，牛油果粒同橄榄粒为沙律带来另外嘅味道，感觉好fresh, 好开胃。德州烧烤牛肉汉堡嘅牛肉好juicy, 好冧又唔会全熟咁老，配以香脆嘅bacon同洋葱圈，有多重嘅口味。整个包大到要一啖食晒咁多层真系有d难度，不过食汉堡一定要咁食先够好味。墨西哥鸡肉菠萝汉堡又系另一种风味。呢个包虽然无牛肉汉堡嘅惹味，但却有一种清新嘅味道。菠萝嘅酸酸甜甜同鸡肉夹在一齐食好fresh。墨西哥烤饼我地拣左软壳蟹同烤猪肉，饼皮就拣了脆饼。猪肉丝份量好多，而且腌得好入味，加上牛油果酱同墨西哥沙沙酱一齐食，非常好味。软壳蟹系原只，炸得好干身，配以同样配料，一样都好好味。