帝樂德國餐廳 (Fashion Walk) (已結業)

德國之旅三周年，決定食返餐德國嘢慶祝。餐廳裝修有feel, 似傳統德國餐廳，布sofa、木枱木櫈、掛畫。Server好好，天寒地凍，一入嚟即刻有杯暖水。 ✦ 羽衣甘蘭柚子芒果藜麥沙律賣相精緻、顏色豐富。大蝦鮮甜、芒果同柚子、藜麥有咬口。羽衣甘蘭切碎、冇平時強烈嘅草青味。美味開胃。 ✦ 薯仔雞肉湯熱辣辣。質地薄身，但味道香濃，啖啖都飲得到雞肉同薯仔嘅香氣。 ✦ 脆皮燒豬肘Server先原隻上俾我哋影相，再拎去起骨切成細份，方便享用。豬手份量充足，外脆內嫩。皮薄、燒得好crispy。肉厚，啖啖juicy。配菜都好用心，有酸椰菜及脆薯角。 ✦ mulled wine/ spiceMulled wine味道傳統，好香肉桂味，相對酒精味較濃。個人推薦Spice, 少辣嘅ginger wine 配搭好香甜嘅honey, 好暖胃。餐廳仲有賀年糕點賣，試完咁好食嘅菜式，積極考慮試試佢。