影片
更多
2016-03-30
921 浏览
四日既假期去到最後一日，真係好唔捨得。玩左三日，最尾一日就緊係要放鬆一下喇。一食完lunch ，就即刻諗下去邊食下午茶😂最後決定去到銅鑼灣，上網搵下有咩cafe可以食下野傾下計，點知去到第一間就執左😓唯有搵第二間食，友人推薦呢間，呢間聽就聽得多喇，今日終於試到喇！😏三點幾去到，等左唔使十分鐘就有位，一入去侍應就提醒我地，有最低消費，每人$70。（其實一人一杯野飲，食件蛋糕就一定夠喇)😂係未有位果陣，友人係出面見到有呢個批已經話：我一定要食呢個！！呢個就係蜂蜜草莓提子批喇～個蜂蜜好好食，中間既吉士好滑好香，我第一次食批上面既生果係唔酸既😂整體都好好食，但如果佢可以俾把刀我地砌開黎share 就更好，用叉好難砌開，分唔到😂黎到呢度就緊係要試下佢既咖啡喇😏 我就叫左下面呢張圖既Manuka~平時飲開齋啡既我，覺得加蜜糖既都係唔錯既選擇。本來諗住係好似張圖咁，會有杯蜜糖自己落，但原來係已經落左，仲係好似拉花咁畫左係面tim~一飲個蜜糖好香，飲到尾都仲聞到個蜜糖味，反而個咖啡味就唔算太突出了。好體貼準備左杯水，飲完就可以過一過口丫ma～ 下午茶就緊係要食野喇，我就叫左呢個英式葡萄乾鬆餅及罌栗
一食完lunch ，就即刻諗下去邊食下午茶😂最後決定去到銅鑼灣，上網搵下有咩cafe可以食下野傾下計，點知去到第一間就執左😓
唯有搵第二間食，友人推薦呢間，呢間聽就聽得多喇，今日終於試到喇！😏
三點幾去到，等左唔使十分鐘就有位，一入去侍應就提醒我地，有最低消費，每人$70。（其實一人一杯野飲，食件蛋糕就一定夠喇)😂
係未有位果陣，友人係出面見到有呢個批已經話：我一定要食呢個！！
呢個就係蜂蜜草莓提子批喇～
個蜂蜜好好食，中間既吉士好滑好香，我第一次食批上面既生果係唔酸既😂整體都好好食，但如果佢可以俾把刀我地砌開黎share 就更好，用叉好難砌開，分唔到😂
黎到呢度就緊係要試下佢既咖啡喇😏 我就叫左下面呢張圖既Manuka~平時飲開齋啡既我，覺得加蜜糖既都係唔錯既選擇。本來諗住係好似張圖咁，會有杯蜜糖自己落，但原來係已經落左，仲係好似拉花咁畫左係面tim~一飲個蜜糖好香，飲到尾都仲聞到個蜜糖味，反而個咖啡味就唔算太突出了。好體貼準備左杯水，飲完就可以過一過口丫ma～
下午茶就緊係要食野喇，我就叫左呢個英式葡萄乾鬆餅及罌栗籽鬆餅，配草莓玫瑰與蘋果伯爵茶果醬～個名真係好長😂兩款鬆餅都好乾身，唔太重牛油味，配果醬都好好食，反而令我重點放左係果醬度，我偏好草莓玫瑰果醬，玫瑰味好出，而且個甜味岩岩好。而蘋果伯爵茶果醬，伯爵茶個味都好出，但可能因為蘋果既關係，相對草莓玫瑰果醬就無咁甜。對於唔太喜歡甜食既你，呢個鬆餅極力推薦俾你～
由於友人，身體不適既關係，只可以飲無咖啡因既飲品，所以佢就叫左呢個：自家沖製蘋果肉桂熱飲。呢杯野一黎到，友人一聞，眉頭即刻皺一皺，我就緊係即刻拎黎聞下喇，果然聞落個味係有少少奇怪，但係飲落又好正常，蘋果味比肉桂味突出。但我就覺得我杯咖啡好飲d😂😂
整體不論環境同食物都好好，如果檯同檯之間多返少少距離就緊好，下次黎，希望可以試下其他主食～（見到好多人叫，睇到自己都好想食）😂
张贴
