影片
更多
2021-07-16
1103 浏览
今次黎到尖沙咀一間出名食手工意粉既Fine Dinning餐廳，餐廳高貴雅緻，牆身用左酒紅色做主調，樓底非常高，無論裝修定裝飾都帶有復古感。餐廳先送上一件精緻既迷你蟹肉批作為 Welcome Food。而呢件蟹肉批酥皮都幾香，蟹肉有淡淡鹹味，略帶鮮甜。我地兩個人就叫左餐廳既5 Course Dinner Set同額外加左一份意粉。跟住餐廳就送上餐包同岩鹽牛油🧈，兩款麵包都非常鬆軟，個人比較喜歡法包。而今晚既餐湯係蕃茄蓉湯🍅，呢碗湯非常濃郁，由湯到碗都係熱辣辣送上，店員仲主動俾多個碗我地分食，相當細心。頭盤方面，我地簡左日式醬油漬溏心蛋黃多士。呢款多士比較薄而且好鬆脆，表面有纖細既法蔥同魚子醬，內裏就有薄薄既黑松露意大利軟芝士夾上日式醬油漬溏心蛋黃。意粉方面，我地叫左松露雜菌手打意粉同卡邦尼手工意粉。先講前者，意粉好Al Dente ，軟硬度適中，雜菌都非常新鮮，再配搭上松露汁，整個搭配香味係口腔蔓延。至於Carbonara，雖然蛋黃醬汁都好濃郁，但主要味道係出自帶有煙燻香氣既煙肉粒。而且呢款意粉表面有芝士薄脆，賣相都好得體吸引。之後，我地簡左澳洲M5和牛牛柳做今餐既主菜。牛扒賣相好靚，
餐廳先送上一件精緻既迷你蟹肉批作為 Welcome Food。而呢件蟹肉批酥皮都幾香，蟹肉有淡淡鹹味，略帶鮮甜。
我地兩個人就叫左餐廳既5 Course Dinner Set同額外加左一份意粉。
跟住餐廳就送上餐包同岩鹽牛油🧈，兩款麵包都非常鬆軟，個人比較喜歡法包。
而今晚既餐湯係蕃茄蓉湯🍅，呢碗湯非常濃郁，由湯到碗都係熱辣辣送上，店員仲主動俾多個碗我地分食，相當細心。
頭盤方面，我地簡左日式醬油漬溏心蛋黃多士。呢款多士比較薄而且好鬆脆，表面有纖細既法蔥同魚子醬，內裏就有薄薄既黑松露意大利軟芝士夾上日式醬油漬溏心蛋黃。
意粉方面，我地叫左松露雜菌手打意粉同卡邦尼手工意粉。
先講前者，意粉好Al Dente ，軟硬度適中，雜菌都非常新鮮，再配搭上松露汁，整個搭配香味係口腔蔓延。至於Carbonara，雖然蛋黃醬汁都好濃郁，但主要味道係出自帶有煙燻香氣既煙肉粒。而且呢款意粉表面有芝士薄脆，賣相都好得體吸引。
之後，我地簡左澳洲M5和牛牛柳做今餐既主菜。牛扒賣相好靚，加上配菜既天然甜味，同埋非常幼滑既薯蓉，整體恰到好處。
最後既甜品係伯爵茶奶凍，有淡淡伯爵茶味，奶味較重，奶凍唔會有凹凸不平既窿窿，非常幼滑。而且糖漿唔會太甜，同奶凍配搭得好好。
张贴
